Mbrojtësi i Lille, Reinildo Mandava ka përjetuar momente tmerri ditën e djeshme, teksa ra në pritën e disa personave të panjohur. Lojtari po qëndron me pushime në Mozambik, ndërsa mbrëmë është sulmuar në një provincë në vendin e tij, të quajtur Zambezia.
Disa persona ende të paidentifikuar, i kishin bërë pritë 26-vjeçarit dhe në momentin që ai u afrua aty, nisën të gjuajnë me armë në drejtim të tij. Për fatin e mirë, asnjë nga plumbat nuk e kapi futbollistin. Dëmet ishin vetëm materiale, ndërsa Reinildo ia doli të largohej me shpejtësi, duke shkuar në rajonin e policisë më të afërt që gjeti.
Pas kësaj, ai ishte më i sigurt, ndërkohë që policia nisi menjëherë punën për zbulimin e autorëve. Gjithçka është konfirmuar edhe nga Federata e Futbollit e Mozambikut, që njoftoi gjithashtu se lojtari ishte nisur për në një festë familjare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
