Sezoni i luhatur i Barcelonës , sidomos në Europë, pas eleminimeve nga Champions League dhe Europa League pritet të shkaktojë një revolucion gjatë merkatos së verës.
Xavi Hernandez qartësisht nuk ka mbetur i kënaqur me rendimentin e disa lojtarëve dhe pas Ansu Fatit, duket se edhe Ousmane Dembele do të vijojë të njëjtën rrugë.
Francezi si gjithmonë vijon të penalizohet nga dëmtimet e njëpasnjëshme dhe kjo situatë i ka ardhur në majë të hundës drejtuesve , pavarësisht cilësive të shkëlqyera të sulmuesit.
Në Premier League do të zhvillohet një sfidë e ashpër ndërmjet Newcastles , Chelseas dhe Manchester United për 25 vjeçarin , kontrata e të cilit me ‘’ Blaugranët ‘’ përfundon në qershorin e 2024-tës.
Duhet evidentuar se presioni tek kuq e blutë është shumë i madh pasi konsiderohen një ekip shumë kompetitiv, i cili lufton për fitimin e trofeve në çdo sezon dhe nëse nuk je në lartësinë e duhur , vështirësohet ndjeshëm e ardhmja në ‘’ Camp Nou ‘’.
Për Barcelonën merkatoja e verës do të jetë shumë e rëndësishme me qëllimin e përfitimit nga largimi i Ousmane Dembeles dhe duke iu referuar pretendetëve , arrihet në konkluzionin se kryesuesit aktualë të La Ligas do ta arrijnë objektivin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
