Milani është vetëm një pikë larg titullit kampion dhe në ndeshjen e fundit me Sassuolon, mjafton një barazim për të marrë trofeun.
Entuziazmi te tifozët kuqezi është i madh dhe këtë e kanë treguar ndeshjet e fundit, kur kanë mbushur stadiumin në kapacitet të plotë.
Trofeu i mungon Milanit nga viti 2011 dhe tashmë tifozët janë bërë gati për festë. Sipas asaj që shkruan “Gazzetta dello Sport”, tifozët e Milanit do të jenë në një numër të madh në stadiumin e Sassuolo.
Me një kapacitet prej 21.525 vendesh që ka stadiumi “Mapei”, rreth 18 mijë do të jenë tifozë të Milanit. Kjo do të duket si një ndeshje në shtëpi për skuadrën e Piolit, që do të ketë numrin më të lartë të tifozëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
