Liverpooli po ecën me hapa të sigurtë drejt revolucionit të planifikuar. Humbja e ndjeshme e terrenit në lidhje me suksesin e ka detyruar trainerin Jurgen Klopp që të përshpejtojë lëvizjet e merkatos . Eshtë Donyell Malen ai që e ka lënë të mahnitur Jurgen Klopp sidomos pas performancës së shkëlqyer në Europian ku fatkeqësisht Hollanda u eleminua nga Cekia në fazën e 1/8 – tave .
Zhgënjimi i largimit të parakohshëm është rikompensuar me interesin e ‘’ The Redsave ‘’ për 22 vjeçarin që ka zhvilluar një sezon për tu mbajtur mend gjatë në rradhët e Psv Eindhoven, skuadër me të cilën e ka finalizuar me 27 gola dhe 10 asiste në 49 ndeshje .
Përpara përgjegjësisë së rindërtimit dhe krijimit të një ekipi tepër kompetitiv sipas Daily Express anglezët tashmë e kanë bërë hapin e parë të shoqëruar me një ofertë 40 milionë euroshe për Donyell Malen .
Me një teknikë për tu marrë shembull që ndërthuret me shpejtësinë dhe manovrat brilante , sulmuesi i lindur në Wierigen mund të rezultojë perfekt për një kampionat si Premier League .
Transferimi i mundshëm në ‘’ Anfield Road ‘’ pa diskutim do ti impononte gjermanit Jurgen Klopp largimin e një prej lojtarëve si : Diogo Jota , Mohamed Salah , Sadio Mane apo Firmino për ti dhënë shansin Donyel Malen që të marrë kohën e nevojshme të adaptimit me një skuadër që karakterizohet nga një histori krejt ndryshe nga ajo e Psv Eindhovenit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
