Me kalimin e kohës Cuti Romero ka arritur të konsolidohet si një ndër më të rëndësishmit në prapavijën e Tottenham Hotspurit.
Argjentinasi i ka bërë shkëlqyeshëm detyrat dhe tashmë synohet nga Real Madridi.
Natyrisht për 27 vjeçarin është një hap i suksesshëm në karrierë dhe një kalim në ‘’ Santiago Bernabeu ‘’ mund ta afrojë me titujt në të ardhmen e afërt.
Drejtuesit e ‘’ Los Merengues ‘’ tashmë e kanë në listë për merkaton e ardhshme verore, duke qenë se problematikat kanë qenë evidente për shumë kohë.
Avantazhi në këtë rast për Real Madridin është se kontrata e lojtarit nga Kordoba me ‘’ Gjelat e Londrës ‘’ përfundon në fundin e sezonit vijues dhe presidenti Florentino Perez mund ta arrijë objektivin për një shifër të përballueshme.
Në fakt për ishi-n e Atalantës nuk është hera e parë që ‘’ Los Blancos ‘’ tregojnë interes, i cili e ka eksperiencën e duhur mbi supe për ti përfaqësuar.
Xabi Alonso e pëlqen lojën e tij duke qenë se është tejet agresiv, i aftë në luftën në ajër dhe shumë i vështirë për tu kaluar në duelet një kundra një.
Në verën e ardhshme do të jetë një periudhë shumë deçizive pasi Cristian Romero mund të bëhet pjesë e një ndër klubeve më të suksesshëm në historinë e futbollit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
