Duket se Kupa e Shqipërisë, është e destinuar të shkojë vetëm në Shkodër këtë sezon, në të gjitha garat e futbollit. Pasi ekipi i parë fitoi Kupën më 31 maj dhe ekipi i 19-vjeçarëve të Vllaznisë e fitoi ditën e djeshme, sot të njëjtën gjë ka bërë edhe ekipi i femrave.
Shkodranet festuan ngritjen e trofeut të Kupës ditën e sotme, por pa luajtur në fushë. Në finalen e edicionit të 12-të të Kupës së Shqipërisë, kishin dalë dy ekipe, Vllaznia dhe Apolonia. Megjithatë fieraket nuk janë paraqitur në ndeshje dhe si pasojë shkodranet e fituan trofeun në tavolinë.
Përveç humbjes së finales ditën e sotme, tashmë skuadra e femrave të Apolonisë rrezikon një dënim tjetër nga FSHF për mosparaqitje në ndeshje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
