Pavarësisht se përbëhet nga lojtarë që premtojnë shumë si për të tashmen ashtu edhe për të ardhmen , Bayern Munchen nuk e ka ndalur vrullin në funksion të pasurimit të organikës . Me Lucas Hernandez , Dayot Upamencano-n dhe Niklas Sulen në prapavijë bavarezët konsiderojnë se i duhet një shtysë më tepër për të qenë të sigurtë gjatë sezonit .
Edhe pse e kanë konfirmuar për shumë vite me rradhë dominimin absolut në Bundesligë , Julian Nagelsmann pretendon të rikthejë në ‘’ Allianz Arena ‘’ titullin e Champions Leagues .
Kampionët absolutë të Gjermanisë po vlerësojnë me detaje progresin e mbrojtësit Sven Botman i cili ka treguar vlera të jashtëzakonshme me Lillen . Fitimi i Ligue 1 pas shumë vitesh suksesi të Paris St Germain patjetër nuk është anashkaluar nga disa klube të njohura sepse e konsiderojnë hollandezin një alternativë të përshtatshme .
Për 21 vjeçarin lufta filloi që në merkaton e kaluar verore gjatë të cilës Atletico Madridi dha sinjalet e para për Sven Botman .
Moskoordinimi në ndeshjet e kaluara pavarësisht sukseseve të arritura i ka detyruar drejtuesit e bavarezëve ti hedhin sytë tek ky lojtar, ecuria e të cilit ka rezultuar një sukses më vete për Lillen .
Mundësitë që të transferohet Mynih janë të mëdha por arritja e francezëve patjetër që nuk mund të anashkalohet nga talenti i kombëtares së ‘’ Tulipanëve ‘’. Sezoni i ri për nxënësin e Jocelyn Gourvennec ka startuar me këmbën e mbarë dhe deri më tani numëron 12 ndeshje dhe 1 gol .
Pavarësisht rëndësisë në skemat e teknikut francez , interesi i Bayern Munchen pritet të marrë vlerësimin përkatës nga një lojtar që i ka bërë mirë detyrat me një ekip që ka ndryshuar historinë e Ligue 1 .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
