Një epokë e re nis te klubi i Kukësit. Verilindorët janë bërë me pronarë të rinj.
Klubi largohet nga familja Gjici dhe do të jetë me udhëheqës të rinj. President i ri i klubit do të jetë Atilio Biba.
Gjithashtu në njoftimin e klubit thuhet se roli i drejtorit sportiv do të mbulohet nga Nikita Kornejevs, ndërsa drejtor teknik do të jetë Renato Arapi.
Njoftimi i klubit:
Futboll Klub Kukësi njofton se ka ndryshuar kryesia dhe stafi administrativ i klubit! Duke falënderuar ish-presidentët Safet Gjici dhe Lavdrim Gjici, FK Kukësi njofton se Atilio Biba do të jetë presidenti i ri i klubit.
Në një konferencë shtypi të mbajtur ditën e sotme në stadiumin "Air Albania", janë prezantuar edhe drejtuesit e ri, ku roli i Drejtorit Sportiv, do të mbulohet nga Nikita Kornejevs, ndërsa roli i Drejtorit Teknik do të mbulohet nga Renato Arapi!
Futboll Klub Kukësi i uron suksese stafit të ri administrativ dhe garanton tifozët se FK Kukësi do të rikthehet shumë shpejt aty ku i takon!
Forca Kukësi!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
