Katër kombëtaret më të forta të Kupës së Botës, Franca, Spanja, Argjentina dhe Anglia janë vetëm një hap larg finales, ndërsa ekspertët dhe tifozët ndajnë mendime të ndryshme për skuadrën që do të shpallet kampione.
Sipas vlerësimeve të gazetarëve të BBC Sport, Franca konsiderohet favoritja kryesore falë potencialit të saj ofensiv, të udhëhequr nga Kylian Mbappe, ndërsa Spanja vlerësohet si skuadra me lojën më të organizuar.
Argjentina mbështetet te përvoja dhe magjia e Lionel Messit, ndërsa Anglia shpreson t’i japë fund pritjes 60-vjeçare për një titull botëror.
Gazetari spanjoll Guillem Balague beson se një përballje Spanjë-Francë mund të jetë “finalja e vërtetë” e turneut, ndërsa kolegu i BBC-së, Phil McNulty, parashikon një finale Angli-Francë me triumfin e francezëve.
Edhe tifozët e katër vendeve shfaqin optimizëm për skuadrat e tyre, megjithëse shumica pranojnë se Franca ka lënë përshtypjen më bindëse deri tani. Gjysmëfinalet pritet të përcaktojnë dy finalistët që do të luftojnë për trofeun të dielën në Nju Jork.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
