Liverpooli ka bërë një goditje cilësore në aspektin mbrojtës . Prej javësh me rradhë ‘’ The Redsat ‘’ kërkonin transferimin e Ibrahima Konates në ‘’ Anfield Road ‘’ dhe tashmë e kanë arritur këtë objektiv. Francezi ka rezultuar ndër më të pëlqyerit nga Jurgen Klopp për të përforcuar këtë repart dhe drejtuesit anglezë ia kanë plotësuar më në fund dëshirën gjermanit . Për 22 vjeçarin Liverpooli bëri një investim prej 40 milionë eurosh dhe duke analizuar eksperiencën me Red Bull Leipzigun është në përputhje me shifrën e derdhur në arkat e gjermanëve .
Suksesit të Ibrahima Konates i bashkangjitet edhe vlerësimi si një prej mbrojtësve më të mirë të së ardhmes dhe në fakt për elementë të tillë gjithmonë vjen dita e shumëpritur sepse kalojnë në një tjetër stad në karrierë . Tashmë i mbetet në dorë Jurgen Kloppit për të marrë 100 % nga ky lojtar i cili duhet të tregohet i kujdesshëm dhe ti ofrojë ndihmën e nevojshme për tu adaptuar ashtu siç duhet me taktikat e tij .
Projekti i Jurgen Klopp për të rikapur majat me Liverpoolin po fillon e të marrë formë sepse kjo goditje do ti shtrojë rrugën shumë të tjerave gjatë merkatos verore sepse kësaj skuadre i duhen përforcime shumë cilësore për të përballuar sfidat e ardhshme .
Ibrahima Konate e ka mbyllur sezonin në nivele të larta me 21 ndeshje të luajtura dhe me kalimin në Premier League do ti duhet të justifikojë investimin e konsiderueshëm të bërë nga Liverpooli .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
