Pas largimit të Messit tek Paris St Germain , Barcelona e ka rivënë fokusin tek merkatoja . Katalanasit kanë mbetur të impresionuar nga mesfushori i Kayserispor Emre Demir i cili ka filluar të spikasë me talentin që e karakterizon . Spanjollët nuk dëshirojnë të humbasin kohë në lidhje me perfeksionimin e skuadrës dhe sipas As i ka ofruar turqëve 2 milionë euro dhe një kontratë 5 vjeçare 17 vjeçarit .
Nëse ky operacion do të rezultonte me sukses , ‘’ Los Cules ‘’ kanë planifikuar huazimin e tij edhe për disa kohë për të ndjekur me kujdes progresin e tij dhe më pas do ti takojë trainerit Ronald Koeman të marrë vendimin përkatës . Fillimet e Emre Demir ishin mjaft entuziazmuese sepse u shëndërrua në lojtarin më të ri të kampionatit turk i cili shënoi në moshën 15 vjeçare dhe tre sezonet e zhvilluara me Kayserispor e kanë vënë në radarët e Barcelonës .
Karakteristikat e lojës së tij përputhen me ideologjinë e trainerit hollandez sepse është një lojtar shumë i shpejtë në luftën një kundra një dhe disponon efikasitetin e nevojshëm në metrat e fundit të fushës , element që mund ti shërbejë spanjollëve për të arritur me shpejtësi tek goli .
Fakti se prej disa sezonesh është vënë në ndjekje të Emre Demir është një arsye e mjaftueshme për të dërguar ofertën në zyrat e Kayserisporit .
Mesfushori i lindur në Mersin e mbylli sezonin me 3 asiste dhe 1 gol në 31 ndeshje dhe është përpara një interesi që me siguri do të analizohet siç duhet nga ky lojtar .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
