Pak para nisjes për në Skoci trajneri i kombëtares shqiptare Kristian Panucci ka rikthyer një mesfushor të rëndësishëm në ekip.
Pas një mungese Ergys Kaçe është rikthyer në Kombëtare duke befasuar jo pak për mënyrën sesi ai u bashkua me kuqezinjtë.
Trajneri Christian Panucci, kur publikoi listën me 25 lojtarë, nuk e preferoi korçarin, por pas largimit të Eros Grezdës, i cili për arsye personale shkoi te klubi i tij Rangers për të finalizuar transferimin – italiani mendoi t’i jepte një shans mesfushorit të Panathinaikos.
Lajmin për rikthimin e tij në Kombëtare, e ka dhënë vetë mesfushori i cili ka postuar një fotografi në rrjetin social në Instagram me portierin Thomas Strakosha.
“Me vëllain tim", shkruan Kaçe, ndërsa ka etiketuar portierin e Lazio-s.
Rikthimi i tij është një vlerë më shumë për kuqezinjtë në qendër të mesfushës, por ajo që bie në sy është mungesa e informacionit nga ekipi kombëtar.
Federata Shquptare e Futbollit nuk ka bërë asnjë komunikatë për të afrim në skuadër edhe pse është një detyrim për ta ta bëjnë një njoftim të tillë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
