Atletico Madridi, tre opsione për mbrojtjen

Faza defensive e Atletico Madridit çuditërisht nuk po e bind Diego Simeonen në sezonin aktual.

‘’ Los Colchoneros ‘’ gjithmonë janë shquar si një ekip solid në këtë aspekt por numri i golave të pësuar natyrisht e kanë shqetësuar dukshëm numrin një të stolit.

Drejtuesit e madrilenëve kanë filluar të mendojnë për merkaton verore, gjatë të cilës do të mundohen të bëjnë zgjedhjet e duhura për ti lënë pas pakënaqësitë e të kaluarës.

Leny Yoro, Yeison Murillo dhe Facundo Medina janë tre lojtarë të cilët vijojnë ta impresionojnë trainerin argjentinas, një figurë e shquar tashmë në historinë shumëvjeçare të kryeqytetasve.

Në të kaluarën ‘’ Los Rojiblancos ‘’ ishin një ndër ekipet më të forta në botë në mbrojtje, një fakt i cili i ka avantazhuar dhe për tu rikthyer tek titujt, duhet të japin maksimumin për t’ia vënë pikën kësaj historie në përfundimin e sezonit.