Trajneri i Juventuesit, Massimiliano Allegri, ka folur në konferencë para mediave, në prag të ndeshjes që skuadra e tij do të luajë ditën e nesërme ndaj rusëve të Zenit Petersburg. Në fjalët e tij, italiani tha se do të ishte pozitive që skuadra e tij të siguronte kalimin e fazës së grupeve sa më shpejt, pasi kjo do i mundësonte të përqendroheshin më shumë te kampionati. Gjithashtu ai foli edhe për situatën aktuale te skuadra e tij, duke thënë se në 5 ditë shkatërruan gjithçka që kishin ndërtuar në 1 muaj e gjysmë.
“Të kualifikohesh në këtë pikë do të ishte fantastike. Do të na vinte në një pozicion për të punuar më të qetë, duke punuar më shumë për kampionatin. Zenit është një ekip i mirë me lojtarë teknik dhe në Ligën e Kampionëve është gjithmonë e vështirë, disa ekipe në të gjitha grupet të kenë mundësinë për të kaluar nesër.
Ligt dhe Chiesa janë mirë. Nuk do të jetë Kean, De Sciglio dhe Ramsey, të tjerët janë në dispozicion dhe nesër në mëngjes do të vendos se kush do të luajë.
Hellas Verona? Të gjithë jemi të zemëruar dhe na vjen keq, në 5 ditë hodhëm në det atë që ndërtuam në një muaj e gjysmë. Ne po ngjiteshim në renditje, por kemi rikthyer lojën e keqe: kjo na bën të mendojmë dhe duhet të punojmë më shumë. Jemi ne një moment të keq, të kemi dy disfata, si kjo nuk e priste askush. Duhet të reagojmë, të bëjmë një lojë të mirë. Duhet të mbyllim gojën dhe të punojmë, kush fiton është i mirë, kushdo që humbet është gabim.
Në mëngjes nesër do të vlerësoj lojtarët për formacionet, të shtunën Chiesa nuk ishte nga fillimi por ndoshta nesër do të nisë nga minuta e parë.
Dua të qëndroj te Juventus sa më shumë që të jetë e mundur për t’iu rikthyer fitoreve, kërkon kohë dhe ndërtim. Pastaj do të mendojmë për Fiorentinën, të shtunën”, tha Allegri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
