Presidenti i UEFA-s, Aleksandër Ceferin ka zbarkuar në Shqipëri ditën e sotme, ku në axhendë ka dy takime.
Numri 1 i futbollit europian, do të diskutojë për finalen e Conference League më 26 maj, e planifikuar për t’u luajtur në “Air Albania”, por do të flitet edhe për zgjedhjet në FSHF, ku kohët e fundit ka pasur përplasje, mes presidentit Armando Duka dhe kryetarit të Bashkisë Tiranë, Erion Veliaj.
Rreth orës 15:00, Ceferin mbërriti në Kryministri, ku mbajti një takim me kryeministrin Edi Rama për rreth 60 minuta.
Pas këtij takimi, rreth orës 17:00, presidenti i UEFA-s, mbërriti në selinë e FSHF, ku është duke mbajtur një takim me presidentin e FSHF, Armando Duka. Sipas axhendës, nuk pritet të ketë një deklaratë për mediat nga palët, por gjithsesi mbetet të shihet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
