Dinamo ka zyrtarizuar largimin e Bledar Devollit nga drejtimi i skuadrës. Humbja ndaj Kukësit, ka rezultuar fatale për teknikun gjirokastrit, i cili pas Bledi Shkëmbit, bëhet trajneri i dytë që largohet nga skuadra kryeqytetase këtë sezon.
Dinamo njofton në faqen e klubit, se skuadra përkohësisht do të drejtohet nga Erion Xhafa, i cili gjatë kësaj periudhe ka mbajtur rolin e zëvendëstrajnerit te blutë.
Tashmë te Dinamo kanë nisur nga puna për trajnerin e ri, i cili pritet të jetë italiani Rodolfo Vanoli, që ka drejtuar më parë ekipe në Itali, Slloveni dhe Zvicër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
