Martiro: Prisja më shumë nga Holanda, nga Botërori do përfitojë Gakpo

Volejbollisti, Krist Martiro, i ftuar në emisionin “Skaneri i Botërorit” në MCN TV, foli për ecurinë e Holandës, deri tani në Botëror.

Martiro deklaroi se priste më shumë nga kombëtarja holandeze, ndërsa shtoi se nga ky Botëror më shumë do të përfitojë Gakpo, i cili ka shënuar gol në të treja ndeshjet e grupeve.

Holanda ishte pragmatiste në këtë fazë të grupeve. Unë prisja më shumë nga Holanda. Është një shkallë më poshtë nga Brazili dhe Franca deri tani. Më e mira nga Holanda është ky lojtari, Gakpo që ka shënuar në të treja ndeshjet.

Nga e gjithë Holanda do përfitojë ky Gakpo. E ka nisur mirë dhe nuk mendoj se do qëndrojë për shumë gjatë në Holandë. Nga janari ndoshta do të vijë ndonjë ofertë e madhe për të. Sot me Katarin prisja që Holanda të shënonte po aq sa Spanja ndaj Kosta Rikës.