Momenti i vështirë i Chelseat në këtë sezon, u reflektua përsëri me humbjen kundër Evertonit në ‘’ Goodison Park ‘’.
Të besuarit e Mauricio Pochettinos kanë mbetur dukshëm në prapavijë dhe pas 16 javëve të zhvilluara renditen në vendin e 12-të , 11 pikë larg Europës.
Pas kësaj humbjeje , nuk munguan as fjalët e numrit një të stolit i cili u shpreh: “ Jemi në një situatë kritike. Jam i zhgënjyer dhe mendoj se e meritonim fitoren.
Besoj se merkatoja e janarit do të jetë një periudhë shumë e rëndësishme për Chelsean ‘’, përfundoi ishi i Tottenham Hotspurit.
Duhet kujtuar se në dy merkatot e fundit, ‘’ Blutë e Londrës ‘’ kanë shpenzuar 1 miliardë euro por rendimenti i treguar nga nxënësit e argjentinasit vijon të lërë për të dëshiruar.
Sigurisht çdo ndeshje vijuese do të jetë një sfidë më vete për anglezët, një ekip i cili në sezonet e fundit nuk ka hasur një situatë të tillë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
