Presidenti i FIFA-s, Gianni Infantino, ka tërhequr propozimin për t'u shitur investitorëve privatë një pjesë e të drejtave tregtare të Kupës së Botës, pas reagimeve të forta nga federatat dhe konfederatat e futbollit në mbarë botën.
Plani parashikonte krijimin e ndërmarrjes FIFA Forward Enterprise (FFE), e cila synonte të siguronte qindra milionë dollarë përmes shitjes së një pjese të të drejtave tregtare të Kupës së Botës, me premtimin për rritjen e fondeve për 211 federatat anëtare.
Megjithatë, projekti u kundërshtua nga UEFA, CONCACAF dhe Konfederata Aziatike e Futbollit, ndërsa brenda FIFA-s pati edhe dorëheqje e kritika ndaj mënyrës së menaxhimit të tij.
Në një deklaratë, Infantino tha se projekti kishte krijuar përçarje dhe nuk ishte më në interes të objektivave të FIFA-s, duke konfirmuar se iniciativa nuk do të vazhdojë.
Tërheqja e planit përbën një goditje për presidentin e FIFA-s, i cili tashmë përballet me presion në rritje dhe pikëpyetje mbi të ardhmen e tij në krye të organizatës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
