Gjetja e një sulmuesi mbetet prioritet për Barcelonën në merkaton e dimrit . Katalanasve iu ka munguar finalizimi gjatë pjesë së parë të sezonit dhe nuk duan të vijojnë në këtë situatë e cila nuk po i lë të ngrejnë kokën .
Kuq e blutë duhet të zhvillojnë një merkato inteligjente , pa shumë shpenzime dhe kështu të krijojnë pak e nga pak stabilitetin e dëshiruar për të përballuar çdo situatë të sikletshme në të ardhmen. Sipas ‘ Sport ‘ listës së kandidatëve i është shtuar edhe ishi i tyre Alexis Sanchez i cili i njeh shumë mirë spanjollët dhe me eksperiencën e madhe mund të shkaktojë ndryshime në metrat e fundit .
Kiliani tashmë do të ketë një shans për tu ripërshëndetur me ‘’ Camp Noun ‘’ , aty ku kaloi tre sezone nga 2011 deri në 2014 dhe në 141 ndeshje arriti të shënonte 46 gola nën urdhërat e Pep Guardiolas . Problemet e 32 vjeçarit tek Interi ia kanë hapur sytë me kohë dhe për fatin e tij , Barcelona ka trokitur përsëri në derën e ishi-t të Udinezes i cili nuk mund ta përballojë faktin e të qënit zëvëndësues në ‘’ Giusseppe Meazza ‘’ .
Opsioni i largimit nga Milano me formulën e huazimit është shumë favorizues për të ardhmen e Alexis Sanchez , sepse tek Barcelona padyshim do të kishte rolin e titullarit në një ofensivë që kërkon domosdoshmërisht lojtarë me eksperiencë për të mos çeduar në vijimësi .
Faktet mbeten shumë kokëfortë dhe ‘’ El Nino Maravilla ‘’ e di shumë mirë se nuk i leverdis qëndrimi tek skuadra e Simone Inzaghit sepse tek ‘’ Los Cules ‘’ do të mund të përfshihej pa problem në 11-shen e Xavi Hernandez dhe kështu të vazhdojë rrugën drejt rikuperimit të formës optimale .
Duke qenë se jemi drejt fundit të fazës së parë , Alexis Sanchez numëron 14 ndeshje , 2 gola dhe 3 asiste me kampionët e Scudettos , statistika që e kanë vështirësuar shumë qëndrimin në Milano.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
