Merkatoja e verës mendohet se do të jetë shumë përcaktuese për të ardhmen e Paris St Germain.
Luis Enrique e ka zhvilluar sezonin e parë nën drejtimin e ‘’ Les Pariziens ‘’, i cili fatkeqësisht nuk arriti ta fitojë Champions Leaguen, objektivi kryesor i presidentit Nasser Al Khelaifi.
Por asturiani e njeh shumë mirë rrugën drejt suksesit pasi e demostroi në të kaluarën me Barcelonën.
Spanjolli është përqëndruar më së shumti tek prapavija dhe Theo Hernandez vijon të jetë pjesë e listës së gjatë të tij.
Për francezin sheiku nga Katari mendon të ofrojë më shumë se 60 milionë euro për ti bindur drejtuesit e Milanit.
Pavarësisht prezencës së Nuno Mendes, problemet në krahun e majtë e mbrojtjes së kryeqytetasve ende nuk kanë marrë zgjidhje dhe ‘’ Lucho ‘’ po i kushton shumë vëmëndje gjatë kësaj periudhe.
Rinovimi i 26 vjeçarit deri në 30 qershorin e 2027-tës me ‘’ Djallin ‘’ konsiderohet një lloj pengese për fituesit në fuqi të Ligue 1 por oferta e Nasser Al Khelaifit mund ti bindë italianët për t’ia hapur derën e largimit nga ‘’ Parque de Prince ‘’ ishi-t të Real Sociedadit.
Projekti ambicioz i parizienëve ka si kryefjalë fitimin e kompeticionit më të rëndësishëm europian për klube, të cilin do ta tentojnë në vijimësi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
