Mario Balotelli është bërë protagonist në kampionatin turk, aty ku aktivizohet me skuadrën e Adana Demirspor. Sulmuesi italian ka gjetur rrugën e rrjetës, në barazimin spektakolar ndaj Besiktas me rezultatin 3-3.
Pasi Besiktas ishte në avantazh 3-0, skuadra e Adana Demirspor nuk u dorëzua dhe arriti të barazojë shifrat. Pikërisht Balotelli, shënoi golin e dytë për skuadrën e tij dhe vëmendjen e të gjithëve e mori festimi ndryshe nga lojtari.
Pas golit të shënuar, sulmuesi italian u drejtua nga trajneri i Besiktas dhe me gishtat në kokë i tregoi se kishte tru, si kundërpërgjigje e një deklarate të 10 viteve më parë nga ana e Sergen Yalcin, i cili e kishte quajtur Balotellin “një djalosh pa tru”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
