“Luftë” e ashpër për vendin e parë në Kosovë, skuadrat e kreut nuk falin

Lufta për kreun e renditjes në Superligën e Kosovës, vazhdon të jetë e ashpër. 3 nga skuadrat e vendeve të para zbritën sot në fushë dhe nuk zhgënjyen me rezultatet e arritura.

Ballkani që mban vendin e parë me 42 pikë, mposhti pastër me shifrat 3-0 Uplianën, duke mos e vendosur fitoren në dyshim për asnjë moment.

Drita e vendit të dytë, nuk e kishte aspak të lehtë në transfertë ndaj Malishevës, por gjithsesi në fund triumfoi me shifrat 1-2.

Edhe Llapi që mban vendin e katërt, me 36 pikë, korri fitore në sfidën e sotme, pasi mposhti në shtëpi Feronikelin me rezultatin 4-2.

Nesër zbret në fushë edhe Gjilani, që momentalisht mban vendin e tretë në renditje dhe sfidon Dukagjinin në shtëpi.