Faza e parë e sezonit me Paris St Germain ia ka qartësuar shumë ide trainerit Luis Enrique.
‘’ Les Pariziens ‘’ kanë bërë përpara në Ligue 1 dhe sidomos Champions League dhe sigurisht me kalimin e kohës ka numri një i stolit nxjerrë konkluzione.
Ishi i Barcelonës ka mbetur i impresionuar me performancat e Nuno Mendes dhe menjëherë bosi Nasser Al Khelaifi thuhet se është drejt rinovimit të kontratës deri në 2030-tën.
Sipas ‘ Mundodeportivos ‘, për 22 vjeçarin francezëve i ka trokitur para pak kohësh në derë Manchester United por sigurisht tentativa e tyre do të mbetet pjesë e së shkuarës pasi ishi i Sporting Lisbonës ndihet shumë komod në ‘’ Parque de Princes ‘’.
Që prej transferimit në kryeqytetin francez në 2021-shin Nuno Mendes ka ditur të përshtatet tek Paris St Germain, skuadër tek e cila kërkesa e llogarisë është shumë e madhe, sidomos nëse merret parasysh se drejtohet nga një trainer i suksesshëm.
Zgjatja e kontratës reflekton kompromisin me fituesit në fuqi të Ligue 1, ekip i cili aspiron të fitojë trofe të rëndësishëm në çdo sezon, kryësisht atë të Champions Leagues, ëndërra në sirtar e sheikut nga Katari.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
