Prej disa sezonesh Moussa Diaby vijon të jetë një ndër lojtarët më cilësorë të Bundesligës , determinant edhe tek Bayer Leverkusen.
Për francezin tanimë ka hyrë në garë Newcastle, ekipi më i pasur në botë dhe sipas ‘ 90min ‘ presidenti Mohamed Bin Salman është i vendosur ti përmbushë pritshmëritë e gjermanëve , drejtuesit e të cilëve pretendojnë rreth 60 milionë euro.
23 vjeçari vijon ta bëjë krenar Xabi Alonson me paraqitjet në çdo ndeshje, falë të cilit ‘ Aspirinat ‘ po zhvillojnë një fazë të dytë shumë të mirë, skuadër e cila i është larguar zonës së ftohtë dhe po lufton për një vend në Europë në sezonin vijues.
Në 35 sfidat e deritanishme ishi i Paris St Germain numëron 12 gola dhe 7 asiste , por siç pritej drejtuesit e Bayer Leverkusen kurrsesi nuk e mendojnë shitjen e Moussa Diaby për një shifër më inferiore se ajo e lartpërmendura.
Potenciali i sheikut arab s’ka nevojë për koment , objektivi i të cilit është rikthimi i bardhezinjve tek sukseset dhe pjesmarrja në Europë në sezonin e ardhshëm konsiderohet prioritet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
