Pas largimit të Robert Lewandowski nga Bayern Munich, duket se mes palëve është vendosur paqja. Sulmuesi kërkoi largimin pak kohë më parë, çka bëri që të ketë edhe një përplasje mes drejtuesve, diçka që tani duket se është zgjidhur.
Ditën e djeshme, polaku është rikthyer në Mynih, ku ka takuar drejtuesit dhe shokët e ish-skuadrës. Për këtë vizitë të lojtarit, ka folur edhe menaxheri i përgjithshëm te Bayern, Oliver Kahn, i cili tha se palët u ndanë mirë dhe do të mbajnë kontaktet për të ardhmen.
Më erdhi mirë që Robert erdhi përsëri në zyrën time. Ne folëm për gjithçka, u ndamë mirë dhe do të mbajmë kontakte në të ardhmen.
Ajo mes Lewandowski dhe Bayern Munich ishte dhe është një histori e veçantë, e suksesshme. I urojmë të gjitha të mirat në Barcelona.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
