Barcelona nuk e harron Cristian Romeron

Barcelona vijon të synojë fuqizimin e  repartit defensiv  sidomos pas  dyshimeve për qëndrimin e Clement Lenglet dhe Samuel Umtiti në ‘’ Camp Nou ‘’.   Katalanasit prej shumë vitesh  kanë një faturë të pashlyer në lidhje me mbrojtjen dhe në këtë merkato janë duke i lëvizur të gjithë gurët për ti dhënë fund një herë e mirë këtij problemi. Duke qenë se është një skuadër që lufton për trofe në çdo sezon , drejtuesit e saj po bëjnë maksimumin për ta nisur me këmbën e mbarë sezonin e ri .

Objektivi i rradhës për  “ Los Cules ‘’ është Cristian Romero .  23 vjeçari vjen pas një performance  mbresëlënëse me Atalantën e cila siguroi pjesëmarrjen në Uefa Champions League dhe qershia mbi tortë për të rezultoi fitimi i Kupës së Amerikës me Argjentinën e cila mposhti 1-0 në finale Brazilin. 

Mbrojtësi nga Kordoba është i huazuar tek bergamaskët dhe të drejtat e tij i takojnë Juventusit .  Sipas TvDello Sport  periudha e huazimit tek e famshmja ‘’ La Dea ‘’ mbetet në fuqi deri në 30 qershorin e 2022- shit  por interesi i Barcelonës me siguri do ti prodhojë një ndjesi ndryshe   ‘’ Zonjës së Vjetër ‘’   sepse flitet për një ndër  gjigandët e Europës pavarësisht se vitet e  fundit nuk ka shkëlqyer aq sa duhet . Një tjetër pistë shumë produktive për torinezët është edhe shkëmbimi ndërmjet  Cristian Romeros dhe Miralem Pjanic .

Boshnjaku ka humbur shumë pikë me qëndrimin në ‘’ Camp Nou ‘’ sepse karriera e tij ka shënuar  rënie por rikthimi i Massimiliano Allegrit në stolin e bardhezinjve thekson një tjetër histori për 31 vjeçarin për arsye të së kaluarës se suksesshme me ish kampionët e Serisë A .

Ky skenar vlerësohet  shumë i arsyeshëm si për spanjollët ashtu edhe italianët të cilët synojnë rikthimin tek suksesi . Cristian Romero e ka mbyllur sezonin me 43 ndeshje dhe 3 gola  por vijuesin do ta startojë me një ndjesi të veçantë si ajo e shpalljes kampion me kombëtaren ‘’ Albiceleste ‘’.