Milani luan një ndeshje vendimtare ditën e nesërme siç është ajo ndaj Liverpool, në Champions League. Në prag të kësaj sfide, para mediave, ka folur trajneri i kuqezinjve, Stefano Pioli. Ky i fundit ka vlerësuar maksimalisht kundërshtarin, por shtoi se edhe Milani i tij mund t’ia dalë.
“Jemi më të fortë se në ndeshjen e parë. E dimë nivelin e intensitetit dhe forcën e Liverpool. Nëse do të arrijmë që të kalojmë presingun e parë të tyre, atëherë mund të jemi të rrezikshëm edhe ne. Po punojmë me detaje, sepse duam që të jemi konkurrues me më të fortët e Europës.
Jemi të bindur që jemi të fortë dhe që Liverpooli është shumë i fortë. Duam që të përballemi me skuadrat më të forta dhe të kërkojmë të fitojmë me sakrificë, vendosmëri dhe qartësi teknike e taktike. Mendojmë vetëm për ndeshjen e nesërme.
Objektivi ynë është që të jemi konkurrues në Itali dhe në Europë. Nëse kualifikohemi në 1/8 e finales do të jetë shumë mirë, në të kundërt do të japim gjithçka në Europa League. Duam të shohim nivelin tonë”, u shpreh Pioli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
