Rey Manaj, po kalon ndoshta formën më të mirë në karrierë. Sulmuesi i Shqipërisë, aktivizohet me Sivasspor në Turqi, aty ku edhe po spikat.
Manaj ishte sërish protagonist për skuadrën e tij, teksa realizoi dopietë golash, duke i dhënë fitoren ndaj Kayserispor.
Rrjeta e parë erdhi me anë të një 11-metërshi ku sulmuesi u tregua i saktë para portierit, ndërsa i dyti vjen pas një kundërsulmi që nisi nga vetë ai në mesin e fushës dhe po ai e mbylli me gol.
Ky është goli i 11 sezonal për Manaj në 17 ndeshje, mes kampionatit dhe Kupës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
