Kupa e Shqipërisë/ Flamurtari mposht Vllazninë, Teuta ndalet nga Luzi. Të gjitha rezultatet

U luajtën ditën e sotme, ndeshjet e turit të parë në Kupën e Shqipërisë, aty ku në 9 sfida, u shënuan 23 gola. n

Në grupin A, Flamurtari mposhti 2-1 Vllazninë me përmbysje, duke lënë gjithçka të hapur për sfidën e kthimit. Bylis nuk fali ndaj Pogradecit, duke triumfuar 0-3, ndërsa Kastrioti mposhti minimalisht Vorën. Besa dhe Korabi u ndanë në barazim 1-1.

Në grupin B, ishte gjithçka e lehtë për skuadrat e Superiores. Skënderbeu mposhti me goleadë Maliqin, duke fituar 1-5, ndërsa Kukësi kaloi Labërinë 0-3. Nuk e kishte të vështirë as Laçi, që mposhti 0-2 Devollin, ndërsa Erzeni pësoi golin e parë të sezonit, në fitoren 1-2 ndaj Turbinës. Luzi-Teuta u mbyll në barazim pa gola.

GRUPI A:

FLAMURTARI 2-1 VLLAZNIA

KASTRIOTI 1-0 VORA (Në Fushë-Krujë)

POGRADECI 0-3 BYLIS

BESA 1-1 KORABI (Në Peqin)

GRUPI B:

DEVOLLI 0-2 LAÇI

LABËRIA 0-3 KUKËSI

LUZI 0-0 TEUTA (Në Shijak)

MALIQI 1-5 SKËNDERBEU (Stadiumi “Skënderbeu”)

TURBINA 1-2 ERZENI