Kushtet e vështira atmosferike, shtyhen 6 ndeshje në Kategorinë e Dytë

Kushtet e vështira atmosferike në Shqipëri, kanë bërë që 6 ndeshje në Kategorinë e Dytë të vlefshme për javën e 19-të të shtyhen.

Pas konsultimeve me klubet dhe duke parë gjendjen e terreneve të rënduara nga reshjet e shirave, është vendosur që sfidat e Grupit B të Kategorisë së Dytë të mos luhen këtë javë dhe të shtyhen për javën e ardhshme.

Gjashtë ndeshjet e Grupit B ishin parashikuar për t’u luajtur këtë të diel, ndërkohë që nuk ka asnjë ndryshim programi për ndeshjet e Grupit A të Kategorisë së Dytë, që do të luhen këtë javë sipas kalendarit të përcaktuar tashmë.

Sfidat që janë shtyrë:

Përmeti – Memaliaj

Tepelena – Labëria

Devolli – Naftëtari

AF Luftëtari – Albpetrol

Këlcyra – Sopoti

Gramozi – Flamurtari