Prej disa kohësh mesfushori Donny Van de Beek vijon të konsiderohet një ndër transferimet më të dështuara në historinë e Manchester United .
Hollandezi mbërriti në ‘’ Old Trafford ‘’ në verën e 2020-tës dhe i kushtoi ‘’ Djajve të Kuq ‘’ 40 milionë euro.
Çuditërisht në asnjë moment 25 vjeçari nuk bindi drejtuesit dhe u konsiderua i padobishëm për gjigandët e Premier Leagues duke i dhënë prioritet absolut largimit nga Manchester United .
Së fundmi interi ka trokitur në derën e ishi-t të Ajax Amsterdamit , skuadër që i ofron mbështetje në këtë situatë kaq kritike.
Simone Inzaghi e mirëpret në ‘’ Giusseppe Meazza ‘’ pasi është koshient për vështirësinë për firmosjen me Sergej Milinkovic- Savic. Italianët synojnë me çdo kusht të hakmerren ndaj Milanit dhe të fitojnë përsëri Serinë A duke mos mënjanuar në asnjë moment Champions Leaguen dhe merkatoja e janarit natyrisht konsiderohet një periudhë shumë e rëndësishme drejt këtij titulli me shumë vlera .
Talenti i dalë nga shkolla e Ajaxit shpreson se mund ta lërë pas eksperiencën e dështuar tek Manchester United dhe duke filluar nga pjesa e dytë e sezonit të nisë një etapë të re në karrierë , ndoshta tek ky ekip i cili ndryshoi fatet e Scudettos me Antonio Conten në stol.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
