Fitorja e djeshme në ‘’ San Siro ‘’ 2-0 kundër Udineses ia ka përforcuar idetë Simone Inzaghit për të insistuar në lidhje me qëndrimin e mesfushorit Marcelo Brozovic .
Italiani ka rezultuar mjaft bindës në deklaratën e dhënë duke shprehur se kroati është një pjesë e rëndësishme e formacionit titullar i cili i ka shkaktuar shumë ndjesi pozitive zikaltërve . 28 vjeçari e finalizon kontratën në 30 qershorin e 2022-shit dhe së fundmi është pretenduar nga Atletico Madridi .
Duke qenë se rreziku që i kanoset është me të vërtetë për tu marrë në konsideratë, ish traineri i Lazios është shprehur :
“ Duhet të bëjmë një punë intensive që të arrijmë me sukses rinovimet me Lautaron , Barrelan dhe Brozovic . Të gjithë jemi të një mendimi dhe do të shfrytëzojmë çdo mundësi për ta bërë këtë dëshirë realitet ‘’, ishin fjalët e Simone Inzaghit .
Ideja e drejtuesve të Interit është rritja e pagës për të vulosur qëndrimin e ishi-t të Dinamo Zagrebit në ‘’ Giusseppe Meazza ‘’ , atje ku e presin sfida tepër interesante në vijim por eksperienca e akumuluar ndër vite do ta ndihmojë për ti përballuar me sukses.
Nëse përmbledhim eksperiencën me kampionët në fuqi të Serisë A , Marcelo Brozovic që nga 2015- ta ka shënuar 25 gola dhe ka kontribuar me 34 asiste në 256 ndeshje duke fituar me meritë një vend titullari në skemat e ishi-t të Lazios .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
