Tottenham Hotspuri mund ta vazhdojë i qetë luftën për të transferuar Franck Kessien në Londër sepse mesfushori nga Bregu i Fildishtë nuk ka dhënë asnjë shenjë për të vijuar tek Milani dhe ‘’ Gjelat e Londrës ‘’ nuk duan ta humbasin këtë shans sepse bëhet fjalë për një element që meriton vlerësim maksimal .
Me Antonio Conten në stol , shpresat e ‘’ Spursave ‘’ janë rritur ndjeshëm sepse italiani e ka treguar kudo ku ka vënë këmbët se mund të ndikojë në arritjen e sukseseve.
Pikërisht Tottenham Hotspuri është një ndër ato klube që lufton prej vitesh për të rikthyer entuziazmin në ‘’ White Hart Lane ‘’ dhe me trainerin nga Lecce gjithçka është e mundur .
Fitmi i Scudettos së 19- të me Interin i dha dritë fillimit të një historie ndryshe në Itali sepse me shumë meritë zikaltërit ulën nga froni Juventusin , ku kishte qëndruar për 9 vite rradhazi.
‘’ Daily Telegraph ‘’ ka publikuar se lëvizjet e londinezëve janë intensifikuar sepse prioritet është klasifikimi ndër katër skuadrat e para të Premier Leagues që do ti dërgonte direkt në grupet e Champions Leagues.
Me karakterin e fortë dhe dhënien e maksimumit në çdo stërvitje dhe ndeshje , traineri 52 vjeçar e meriton të renditet ndër më të mirët dhe për sa i përket rastit konkret , e njeh me detaje Franck Kessien për shkak të së kaluarës në Itali.
Për ishi-n e Atalantës thuhet se kuqezinjtë do të kërkojnë 15-20 milionë euro, por theksi vihet tek problemet që mund të hasin anglezët për arsye se talenti afrikan pretendon 9-10 milionë euro në sezon.
Megjithatë profesionalizmi i tij nuk është shfaqur vetëm në fushën e lojës por edhe jashtë saj sepse ka evidentuar se nuk ka ndërmend të largohet nga ‘’ San Siro ‘’ në mes të sezonit , në shenjë respekti ndaj këtij klubi që i ka dhënë shumë për 5 vite dhe s’duhet anashkaluar se fundi i tij mund të shkaktojë largimin nga Milano të asit të mesfushës .
Prezenca e Franck Kessies tek Milani konsiderohet një frymëmarrje në kohë të vështira dhe një favor më tepër drejt sukseseve sepse gjatë eksperiencës në ‘’ San Siro ‘’ i ka impresionuar të gjithë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
