Presidenti i KOKSH-it Fidel Ylli, i ftuar në emision 'Skaner' në MCNTV, thotë se ky institucion do ketë frymën e bashkpunimit në drejtimin e tij. Ylli shton se qeveritë e kanë lënë sportin në harresë, pasi ka patur gjithmonë sherre, ndërsa në drejtim të tij kjo gjë nuk do të ndodhi.
'Di filloj një ere e re sepse nuk jam një figurë intelektuale. Këtë e kam treguar edhe në zgjedhjet e 2008 kur u thyen kutitë e votimit. Sporti është familja jonë. Qeveritë e kanë lënë gjithmonë në hije sportin. Sherret nuk kanë më vend në KOKSH. Kjo varet nga drejtuesi pikësëpari.
Hysen Domi ka qenë i mrekullueshëm në krye të KOKSH-it. Ka patur edhe politikanë atëherë, por prap ka patur projekte mbreslënëse. Unë dua që të jetë prap ajo atmosferë. Aktualisht janë bllokuar bursat. Për mua skishte asnjë kontestim këtë rradhë. Unë do e kisha ëndërr të ishte edhe futbolli, por nuk do të jetë,'-u shpreh Fidel Ylli, njëkohësisht edhe deputet i kuvendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
