Lionel Messi është rikthyer të flasë për largimin e tij në verë nga skuadra e Barcelonës. Në një intervistë për “Sport”, ylli argjentinas ka komentuar fjalët e presidentit të katalanasve, Joan Laporta, i cili pak javë më parë tha se shpresonte që Messi të luante falas për Barcelonën. Në lidhje me këtë, sulmuesi u shpreh se diçka e tillë nuk iu kërkua dhe shtoi se është i prekur nga fjalët e Laportës.
“E vërteta është, siç e kam shpjeguar kur jam larguar, unë kam bërë gjithçka që është e mundur për të qëndruar. Kurrë askush në asnjë kohë nuk më ka kërkuar të luaj falas.
Më kërkuan ta ul pagën për 50 për qind dhe e bëra pa ndonjë telash. Ishim në pozitë për ta ndihmuar klubin më shumë. Dëshira ime dhe e familjes sime ishte të qëndronim në Barcelonë.
Askush nuk më kërkoi të luaj falas por në të njëjtën kohë, duket se fjalët e thëna nga presidenti janë të pavenda. Ato më lënduan mua sepse ai nuk kishte nevojë t’i thoshte ato”, u shpreh Messi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
