Illaix Moriba drejt Leipzigut

 E ndodhur në probleme të rënda ekonomike  Barcelona është duke i lëvizur shpejt gurët për ta zgjidhur me shpejtësi  këtë çështje .   Para disa kohësh ishte Leipzigu i cili u interesua për talentin Ilaix Moriba duke  ofruar 8 milionë euro .  Përgjigja e katalanasve ishte e menjëhershme duke e refuzuar sepse  kërkojnë 15 milionë euro për ta larguar  mesfushorin nga Guinea nga  mitiku ‘’ Camp Nou ‘’.

Duke qenë se është një lojtar  që ofron shumë garanci, gjermanët  parashikohet se nuk do të dorëzohen dhe  sipas  OneFootball janë të gatshëm ta plotësojnë kërkesën e ‘’ Los Cules ‘’ të cilët pretendojnë 15 milionë euro për perlën afrikane .

 Spanjollët nuk duan të rrezikojnë sepse siç dihet kontrata e  Illaix Moribas skadon vitin e ardhshëm dhe ky fakt thekson se nëse  presin më shumë kohë do të rrezikonin të mbesnin me gisht në gojë sepse mund të largohej nga Katalunja me parametër zero . Një shumë e tillë pritet të konsiderohet nga drejtuesit e kuq e bluve të cilët po vuajnë problematika të theksuara ekonomike dhe duan që ti japin fund për të shijuar një sezon që pritet të jetë shumë kompetitiv në të gjitha kompeticionet.

Transferimi në ‘’ Red Bull Arena ‘’ do të konceptohej  një shans shumë i mirë për  të ardhmen e Illaix Moribas i cili do të kishte  privilegjin të aktivizohet edhe në Uefa Champions League  .

 Deri më tani Illaix Moriba numëron 18 ndeshje dhe 1 gol me ‘’ Blaugranët ‘’ por Leipzig mbetet një mundësi shumë interesante për vijimin e karrierës .