Maradona ndërmerr një sfidë të vështirë. Ylli i fushës së blertë është prezantuar të hënën si tekniku i një klubi të serisë B, Dorados di Sinaloa, në Meksikë.
Në një konferencë shtypi, ish-futbollisti i kombëtares argjentinase ka qenë i qartë në lidhje me objektivat e tij.
“Nuk jam këtu për shëtitje dhe as për pushime. Kam ardhur për të punuar dhe do të lë zemrën time në këtë skuadër. Do të ndihmojë lojtarët, por na duhet edhe mbështetja e tifozëve. Kështu do të bëhemi të pathyeshëm”.
Por pavarësisht optimizmit, objektivi i Maradonës nuk është e lehtë të arrihet. Aktualisht skuadra në fjalë është në vendin e fundit të klasifikimit dhe nuk ka fituar kurrë një ndeshje.
Duke i besuar “mrekullisë” që mund të bëjë Maradona, klubi i ka caktuar një rrogë mujore 150 mijë dollar, për një kontratë që është parashikuar të zgjasë 11 muaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
