Pas një eksperience 3 vjeçare në Kinë për mesfushorin Paulinho është interesuar Atletico Madridi . 32 vjeçari aktualisht nuk është pjesë e asnjë ekipi dhe nëse do të vendosë rikthimin në kontinentin e vjetër , transferimi në ‘’ Wanda Metropolitano ‘’ do të realizohej me kosto zero . Diego Simeone disponon shumë referenca pozitive per Paulinhon sepse e ka ndjekur nga afër në momentin kur mbronte ngjyrat e Barcelonës .
Në të kaluarën mesfushori i mirënjohur provoi ndjesinë e të qënit pjesë e Premier Leagues , pikërisht me Tottenham Hotspurin skuadër me të cilën tregoi karakterin e fortë brenda fushës . Pavarësisht se ‘’ Los Colchoneros ‘’ janë shpallur kampionë të La Ligas , traineri argjentinas e ka menduar si zëvëndësuesin ideal të Geoffrey Kondongbia që nuk ka mundur ta bindë me lojën e tij .
Eksperienca e Paulinhos parashikohet se mund ti bëjë shumë punë mesfushës së Atleticos për të përballuar ashtu siç duhet sezonin vijues , ku do të ketë detyrën e vështirë të ruajtjes së titullit të fituar dhe gjithashtu përfaqësimit dinjitoz në Uefa Champions League , kompeticion të cilin Diego Simeone e njeh shumë mirë dhe nxënësit e tij gjithmonë kanë treguar se janë shumë kompetitivë dhe të uritur për sukses .
176 ndeshje , 75 gola dhe 29 asiste janë statistika të mjaftueshme për Atleticon sepse ky lojtar do ti shërbente në maksimum kryeqytetasve sepse vjen nga një e kaluar pozitive në Europë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
