Mosarritja e akordit në lidhje me rinovimin e kontratës e ka vënë Franck Kessien në radarët e Barcelonës . Mesfushori nga Bregu i Fildishtë do të jetë i lirë në 30 qershorin e 2022-shit dhe nevoja e katalanasve për tu përforcuar në qendër të fushës ia ka fokusuar vëmëndjen tek ishi i Atalantës. Prej kohësh Ronald Koeman vijon ta analizojë Franck Kessien dhe ka arritur në konkluzionin se mund të shëndërrohet në zëvëndësuesin perfekt të Sergio Busquets . Kualiteti impresionues i tij konsiderohet padyshim një motiv më shumë për drejtuesit e kuq e bluve për ta transferuar në Katalunjë .
Fakti se spanjolli është drejt fundit të karrierës ia shton intensitetin e lëvizjeve drejtuesve katalanas për të arritur sa me shpejt akordin me Franck Kessien i cili mund të mbërrijë në ‘’ Camp Nou ‘’ me parametër zero .
Sezonet e fundit kanë folur me superlativa për nxënësin e Stefano Piolit sepse ka përfaqësuar siç duhet kuqezinjtë të cilët vijojnë të hasin probleme në plotësimin e kërkesave të 24 vjeçarit .
Me tu vënë në dijeni të situatës së tij , spanjollët janë shprehur të gatshëm t’ia plotësojnë dëshirën Franck Kessies i cili synon 6-6.5 milionë euro në sezon . Pavarësisht se arkat e ‘’ Los Cules ‘’ janë në rigjenerim e sipër , e shikojnë me sy pozitiv sforcon për një komponent që mund ti japë një tjetër ngjyrë lojës së tyre.
Pa dyshim që nëse ky objektiv realizohet nga katalanasit , do të ishte një ndër surprizat e merkatos së ardhshme e cila parashikohet të jetë si gjithmonë tepër e vrullshme .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
