Luhatjet e vazhdueshme të muajve të fundit i kanë dhënë një mësim shumë të rëndësishëm drejtuesve të Real Madridit për të marrë kartat në dorë drejt një të ardhme të ndritur . Zinedine Zidane nuk ka të ndalur me analizën e skemave që do ti rikthejnë ‘’ Galaktikët ‘’ drejt rikuperimit të fytyrës së vërtetë në fushën e lojës . Arsyeja është e thjeshtë . Adn e spanjollëve ka të bëjë në mënyrë direkte me sukseset në çdo kompeticion që marrin pjesë , element mëse i mjaftueshëm për gjigandët e Primera Division për të rishikuar situatën e komponentëve më të rëndësishëm të skuadrës . Dy ndër ta janë mesfushori Luka Modric dhe sulmuesi Karim Benzema .
Gjasat e qëndrimit të tyre në mitikun ‘’ Santiago Bernabeu ‘’ janë shtuar pas negociatave të fundit dhe mendohet se do ti ofrohet rinovimi i kontratave respektivisht deri në vitet 2022 dhe 2023. Sipas të famshmes As kroati po shijon një rini të dytë në kryeqytetin spanjoll sepse e ka rritur nivelin e lojës duke i krijuar një përparësi evidente funksionimit total të tij me tridentin e pandalshëm me mbështetjen e Casemiros dhe Toni Kross , ndërsa Benzema praktikisht i ka sfumuar zërat e një rikthimi të mundshëm tek Lyoni , skuadër ku hodhi hapat e para si profesionist dhe tërhoqi vëmëndjen e ‘’ Los Blancos “ . Momentalisht 33 vjeçari pozicionohet si golashënuesi i katërt më i mirë në historinë e Real Madridit dhe mund të thuhet me sigurinë më të madhe se është shëndërruar në një emblemë të padiskutueshme për 34 herë kampionët e Primera Division.
Fare afër konfirmimit zyrtar që parashikohet se do të jetë çështje ditësh , Karim Benzema dhe Luka Modric vazhdojnë të kontribojnë me futbollin e tyre në skemat e ndërtuara nga i famshmi ‘’ Zizou ‘’ skuadra e të cilit momentalisht lufton fuqishëm në dy fronte . Nga një anë në Champions League ku e pret një gjysëmfinale historike me anglezët e Chelseat dhe në Primera Division ku do të kenë detyrën e vështirë të luftës edhe për 8 javët e mbetura me rivalët e Barcelonës , skuadra të cilat i ndan vetëm 1 pikë në klasifikim .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
