Kulusevski, në listën e Napolit

 Humbja e menjëhershme e terrenit në Serinë A, i ka shqetësuar jo pak drejtuesit e Napolit.

‘’ Azurrët ‘’ befasuan çdokënd në sezonin e kaluar, të cilët e fituan Scudetton pas 33 vitesh por entuziazmi ka zgjatur shumë pak pasi po zhvillojnë një performancë për tu harruar në aktualin.

Giovanni Manna, drejtori sportiv aktual i Juventusit, i cili do të marrë në dorë fatet e ‘’ Il Partenopei ‘’ ka përveshur mëngët dhe i është futur punës për ta ndryshuar historinë.

Përveç Nicolo Zaniolos, i pretenduar nga disa ekipe të njohur në Serinë A, ka përfshirë edhe Dejan Kulusevskin në listë, pjesë e Tottenham Hotspurit.

Suedezi e njeh shumë mirë Napolin për arsye të përballjeve në të kaluarën pasi ishte pjesë fillimisht e Atalantës, Parmës dhe së fundmi ‘’ Zonjës së Vjetër ‘’.

Prej tre vitesh mesfushori mbron ngjyrat e ‘’ Gjelave të Londrës ‘’ por bardhekaltërit do të tentojnë ta rikthejne në Itali.

Eksperienca e fituar gjatë karrierës mund ti shërbejë rrugëtimit të Napolit drejt trofeve, një kockë e fortë në Itali dhe më gjerë.

Tek ‘’ Spursat ‘’ Dejan Kulusevski po zhvillon një sezon shumë të mirë, i reflektuar deri më tani në 29 sfida dhe 6 gola.

Ulje-ngritjet e Napolit tregojnë se rivaliteti sa vjen edhe ashpërsohet në çdo kompeticion dhe për të qenë në lartësinë e duhur, transferimet cilësore janë një domosdoshmëri.