Juventusi e nisi kampionatin në mënyrën më të mirë të mundshme, pasi mposhti me rezulatin e pastër 3-0 Sassuolon.
Megjithatë, i vetmi lajm i keq për bardhezinjtë në sfidën e djeshme, ishte dëmtimi i Angel Di Maria, i cili ishte një nga më të mirët në fushë.
Në minutën e 66-të, sulmuesi u zëvendësua, pasi ndjeu dhimbje në kofshën e majtë. Pas analizave të kryera ditën e sotme, klubi i Juventusit, njofton se Di Maria ka pasur një dëmtim të gradës së ulët në adutorin e kofshës së majtë.
Sipas njoftimit të klubit, argjentinasi do të qëndrojë jashtë për të paktën 10 ditë dhe më pas do i nënshtrohet sërish analizave, për të parë si ka shkuar rikuperimi dhe nëse mund të zbresë në fushë apo jo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
