Skuadra e Chelsea tregoi edhe njëherë se e meriton më së miri vendin e parë, pasi në javën e 24 të Premier Ligue blutë kanë dalë fitimtarë në derbin londinez përball Arsenalit.
Djemt e drejtuar nga Antonio Conte arritën një fitore të rëndësishme 3-1 përballë Arsenalit falë një ndeshje të mrekullueshme nga Eden Hazard.
Ndeshja nisi me një presion nga ana e vendasve të cilët ishin favoritë për ndeshjen e sotme në "Stanford Bridge".
Blutë e Londrës kaluan shumë shpejtë në avantazh, vetëm 13 minuta pasi kishte filluar ndeshja.
Një harkim i bukur nga krahu i djathtë gjeti sulmuesin Diego Costa i cili gjuajti fluturimthi bukur me kokë por tentimin e tij e priti Peter Cech, por topin e kthyer nga ish-portieri Chelsea e goditi përsëri me kokë Marcos Alonso duke gjetur rrjetën dhe duke i dhënë avantazhin skuadrës së tij.
Pas golit të pësuar, skuadra e Arsenalit tentoi të barazonte rezultatin pas aksioneve të saj, por portieri belg Courtois shpëtoi vendasit në dy raste pas goditjeve të Gabriel në minutën e 38-të dhe të Ozil në minutën e fundit të pjesës së parë, duke e mbyllur rezultatin për këtë pjesë lojë 1-0.
Me të filluar pjesa e dytë, Chelsea arriti të shënoi edhe një gol dhe për këtë mendoi mesfushori belg, Eden Hazard që me një aksion individual depërtoi në zonë për të shënuar 2-0 duke i dhënë qetësi skuadrës drejtë fitores.
Ndërkohë Cesc Fabregas i cili u aktivizua në lojë në minutën e 84-të arriti të vendosi emrin në këtë takim pasi një minutë më vonë shënoi golin e 3, pas një gabimi nga Petr Cech.
Arsenali arriti ta shënoi golin e nderit nëpërmjet sulmuesit francez Olivier Giroud në minutën e fundit të takimit duke e mbyllur ndeshjen 3-1. Kjo ishte një fitore e rëndësishme për teknikun Italian Antonio conte i cili e kishte përgatitur ndeshjen më mirë ndaj strategut Venger, i cili kërkonte fitore për tu afruar sa mëshumë me kryesuesit e kampionatit.
Pas kësaj fitore, Chelsea vazhdon të mbetet në krye të Ligës Premier me 59 pikë të tubuara 12 më pak se Arsenal dhe Tottenham ku kjo e fundit ka një ndeshje më pak të zhvilluar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
