Real Madridi, insiston për Jon Aranburun

<p>Gjetja e një anësori të djathtë është shëndërruar në objektivin kryesor të drejtuesve të Real Madridit për merkaton e verës.</p> <p>Pavarësisht ecurisë pozitive në çdo kompeticion ‘’ Galaktikët ‘’ vijojnë të kenë luhatje në këtë pozicion dhe tashmë ia kanë vënë syrin Jon Aranburus.</p> <p>Venezueliani po demostron se është një ndër më të mirët e La Ligas, i cili mund të përshtatet në disa pozicione.</p> <p>Edhe tek kombëtarja ‘’ La Vinotinto ‘’ 22 vjeçari ka ditur ta bëjë krenar trainerin Fernando Batista duke e konsoliduar vendin e një titullari.</p> <p>Ky fakt nuk është anashkaluar kurrsesi nga traineri Carlo Ancelotti, falë të cilit ‘’ Los Merengues ‘’ konsiderohen një rival për tu patur frikë, sidomos në Champions League.</p> <p>Klauzola e prishjes së kontratës me Real Sociedadin arrin 60 milionë eurot por sipas ‘ Gol Digital ‘ prioritet për ish trainerin e Milanit mbetet Trent Alexander- Arnold, i cili mund vërë pikën eksperiencës me Liverpoolin në përfundimin e sezonit.</p> <p>Gjatë merkatos së verës priten largime nga ‘’ Santiago Bernabeu ‘’ dhe një ndër elementët mund të jetë Lucas Vazquez, arsye e cila e bën të detyrueshëm transferimin e një tjetër elementi.</p> <p>Ishi i Deportivo La Guairas po zhvillon sezonin e dytë me ekipin nga San Sebastian, një kockë e fortë në Spanjë dhe Europë.</p>