Sezoni shumë i mirë i Marco Palestras tek Cagliari vijon ti garantojë pretendentë.
Italiani tashmë është në listën e Hansi Flickut për merkaton e verës, shumë i rëndësishëm në 11-shen e trainerit Fabio Pisacane.
Progresi i bërë në Serinë A nuk ka nevojë për koment dhe sipas ‘ Mundodeportivos ‘, drejtori sportiv Deco po e monitoron me kujdes.
Adaptimi në disa pozicione të prapavijës sigurisht i ofron një garanci ‘’ Los Cules ‘’, një ekip i projektuar për të arritur majat në çdo sezon.
Për më tepër personaliteti i 21 vjeçarit lë për të kuptuar se do të jetë një ndër më të spikaturit në të ardhmen.
Në La Liga sigurisht luhet një futboll mjaft taktik dhe Marco Palestra i përmbush kërkesat, sidomos nëse i referohemi një ekipi elite.
Megjithatë, edhe Manchester City, Arsenali, Juventusi, bashkë me Bolognan kanë shfaqur interes për këtë lojtar, i cili në sezonin aktual numëron 1 gol në 22 sfida.
Do të jetë një garë gjigandësh dhe besohet se drejtuesit e ekipit që do të jenë më bindës gjatë negociatave do ta fitojnë atë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
