E shtuna rezultoi një ditë historike për Paris St Germain . ‘’ Les Pariziens ‘’ i dhanë fund zërave për rikthimin e Neymar Junior tek Barcelona dhe rinovuan kontratën me brazilianin deri në 2025- sën . Nuk kishte si të ndodhte ndryshe sepse projekti i përpiluar nga drejtuesit e kryeqytetasve dhe i mbështetur fuqimisht nga miliarderi Nasser Al Khelaifi nuk mund të kalonte në plan të dytë . Prej disa sezonesh Paris St Germain nuk dorëzohet për fitimin e Champions Leagues dhe ka bërë hapa përpara drejt realizimit të kësaj ëndërre .
Marrëveshja e arritur është jetike për ish kampionët e Ligue 1 sepse sulmuesi nga Sao Paolo e ka treguar gjithmonë se e meriton qëndrimin në ‘’ Parque De Prince ‘’ . Duke ditur kërkesat e larta ekonomike të Neymar Junior Parisi u përfshi seriozisht në këtë çështje dhe ra dakord me pagën e 30 milionë eurove në sezon për të mos humbur një element fundamental për fuksionimin e ekipit në tërësi . Në disa raste ky i fundit ka shprehur se ndihet i lumtur ne Paris dhe se nuk mendonte një largim tek Barcelona për tu bashkuar me Lionel Messin.
Një ndër arsyet e akordit është projekti ambicioz i lideruar nga presidenca e Katarit që do të shoqërohet me një merkato interesante e cila do ta ketë theksin kryesor tek transferimi i lojtarëve me peshë . Ndër emrat kryesorë janë argjentinasi Lionel Messi dhe mbrojtësi i Real Madridit Sergio Ramos . Jo pa qëllim janë deklaruar këto emra të cilët janë shpallur fitues të këtij turneu në të kaluarën .
Megjithatë komponentë të tillë kanë një koefiçent të lartë vështirësie sepse konsiderohen si legjenda në klubet respektive .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
