Real Madridi dhe Arsenali janë në hapat e fundit të akordit për Martin Odegaard . Bëhet me dije se ky operacion do të variojë nga 40-50 milionë euro . Norvegjezi ka hasur shumë probleme në ‘’ Santiago Bernabeu ‘’ dhe largimi drejt Londrës është konsideruar si ura e shpëtimit për karrieren e tij .
Sipas Futbolfantasy në orët e ardhshme pritet zyrtarizimi i këtij akordi i cili shikohet si një ndër më të suksesshmit e madrilenëve për arsye se e transferuan Martin Odegaard për më shumë se 2 milionë euro.
Rivaliteti i ashpër me Luka Modric , Valverde , Isco Kross dhe Marco Asensio e ka lënë në prapavijë 22 vjeçarin i cili tashmë në ‘’ Emirates ‘’ do të shijojë një rini të dytë . Besimi i Mikel Artetas ndaj tij ka rezultuar faktori më i rëndësishëm për të hedhur pas krahëve eksperiencën e vështirë tek ‘’ Los Blancos ‘’ , në një skuadër ku pretendon të jetë motorri i mesfushës .
Pavarësisht se ‘’ The Gunners ‘’ nuk kanë patur fatin e sigurimit të një vendi në Europë për këtë sezon , me arritjen e një suksesi të tillë do ta kenë edhe më të lehtë për tu kthyer me të fortë në sezonin vijues. 20 ndeshjet e sezonit të lënë pas ia lehtësuan vendimarrjen Mikel Artetas për ta patur në dispozicion talentin nordik në një sezon ku pritet kthesa e Arsenalit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
