Hakan Calhanoglu bëri nëj lëvizje të bujshme në merkaton e verës, teksa u largua nga Milani për të kaluar te rivalët e qytetit Interi. Në një intervistë për “Corriere dello Sport”, mesfushori është shprehur se në rast se do të shënojë në derbi ndaj kuqezinjve do të festojë, siç bën gjithmonë.
Gjithashtu ai u shpreh se zgjodhi Interin, për shkak se donte të provonte sfida të reja.
“Unë takoj shpesh tifozë të Milanit këto kohë. Duan të bëjnë fotografi më mua dhe thonë se më duan ende. A do të festoj nëse shënoj në derbi? Sigurisht do ta bëj, siç bëj gjithmonë. Interi është një skuadër e madhe. Vitin e kaluar fituan titullin. Kam ardhur këtu sepse më pëlqejnë sfidat e reja.”, tha mesfushori turk.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
