Me Paulo Fonsecan në stol Milani po has vështirësi në lidhje me performancat gjatë këtij sezoni, në çdo kompeticion.
Portugezi nuk po mund të gjejë formulat e duhura në varësi të kundërshtarëve dhe drejtuesit e kuqezinjve kanë filluar të analizojnë të tjera alternativa.
Momentalisht Maurizio Sarri është me bindësi, trainer me një eksperiencë të gjatë në kampionatin italian dhe gjithashtu në Premier League nën drejtimin e Chelseat për një periudhë të shkurtër.
Rezultatet e arrira nga ‘’ Djalli ‘’ në këtë fazë të sezonit ndoshta do të shënojnë shumë shpejt fundin e aventurës së luzitanit në ‘’ San Siro ‘’.
Nëse i referohemi italianit duhet shtuar se e njeh shumë mirë rrugën drejt suksesit, duke qenë se në të shkuarën fitoi një Scudetto me Juventusin dhe Europa Leaguen me ‘’ Blutë e Londrës ‘’.
Gjithashtu 65 vjeçari njihet edhe për kokfortësinë dhe shpërthimet e vazhdueshme në momente të caktuara të ndeshjeve por sidoqoftë drejtuesit e ish fituesve të Scudettos nuk do ta kenë aspak të lehtë për ta bindur.
Një ekip si shtatë herë kampionët e Champions Leagues duhet domosdoshmërisht të drejtohen nga një trainer që e ka provuar shijen e suksesit dhe në këtë kuptim Maurizio Sarri konsiderohet i duhuri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
